தமிழில் பாடுவோம்

அறிவு :
மல்லல் உலகம் மகிழ்வாய் மலர்ந்திட
அல்லல் களைந்தே அருந்துயர் போக்கிடு !
கல்லால் நிலையும் காவியம் போற்றிட
சொல்லால் உரைப்பாய் கவி.

அமைதி :
கண்களில் தோன்றும்! கனிவாய் மகிழ்ந்திடும்
பண்களில் பாடிடும்! பாவை அருகினில்
தண்ணெழில் கூட்டிடும் தாரக மந்திரம்
உன்னிதழ் ஊறும் மொழி !

அழிவு :
கூடிய மக்கள் குருவியாய் வீழ்ந்திட
நாடிய உள்ளம் வெடித்தே சிதற
நிலைகலங்கும் நீள்கதையாய் மாறும் நிகழ்வே
குலைநடுக்கும் குண்டுகள் ஏன் ?

விலைபேசும் மக்கள் இனமே ! விடிவதற்குள்
அலைவீசும் ஆழியாய் குண்டுகள் மாற
வலைவீழும் மீனினமாய் மாறும் உடல்கள்
நிலைமீள பக்கம்வா பார்த்து !

செல்வி ஷங்கர்